Աշխարհի ամենահարուստ մարդկանց կարողությունն աճել է ռեկորդային 304 միլիարդ դոլարով

2 րոպեի ընթերցում

Աշխարհի ամենահարուստ մարդկանց ընդհանուր կարողությունն աճել է ռեկորդային 304 միլիարդ դոլարով՝ ներմուծման մաքսատուրքերի բարձրացումը 90 օրով հետաձգելու մասին ԱՄՆ նախագահ Դոնալդ Թրամփի որոշումից հետո։ «Արմենպրես»-ի փոխանցմամբ՝ այս մասին հաղորդում է ՏԱՍՍ-ը՝ վկայակոչելով Bloomberg-ի «Միլիարդատերերի ինդեքսի» (Bloomberg Billionaire Index) տվյալները։

ԱՄՆ ղեկավարի որոշմանը հետևել է բաժնետոմսերի արժեքի աճ, որից ամենից շատ վաստակել է Իլոն Մասկը։ Նրա  կապիտալն ավելացել է 36 միլիարդ դոլարով այն բանից հետո, երբ Tesla ընկերության բաժնետոմսերի արժեքը 23%-ով բարձրացել է: Meta կորպորացիայի ղեկավար Մարկ Ցուկերբերգի կարողությունն աճել է 26 մլրդ դոլարով, իսկ Nvidia տեխնոլոգիական ընկերության ղեկավար Ջենսեն Հուանգինը՝ 15,5 մլրդ դոլարով։

Աշխարհի ամենահարուստ մարդկանց ընդհանուր զուտ կապիտալի աճը 304 միլիարդ դոլարով դարձել է ռեկորդային «Միլիարդատերերի ինդեքսի» ամբողջ պատմության ընթացքում։ Նախորդ՝ 233 միլիարդի դոլարով աճի ռեկորդը գրանցվել է 2022 թ. մարտին այն բանից հետո, երբ ԱՄՆ Դաշնային պահուստային համակարգը, որը կատարում է երկրի կենտրոնական բանկի գործառնությունները, բարձրացրել է բազային տոկոսադրույքը:

Ապրիլի 2-ին Թրամփը հայտարարել էր 185 երկրներից և տարածքներից արտադրանքի համար մաքսատուրքեր սահմանելու մասին։ Ապրիլի 5-ին ուժի մեջ են մտել 10%-ի չափով բազային ունիվերսալ մաքսատուրքերը, ապրիլի 9-ին՝ անհատական ​​մաքսատուրքերը: 

Ապրիլի 9-ին Թրամփը հայտարարել է, որ 90 օրով դադարեցնում է մաքսատուրքերի բարձրացումն այն երկրների նկատմամբ, որոնք բանակցություններ վարելու պատրաստակամություն են ցուցաբերել։ Դրանց նկատմամբ կգործեն ներմուծման 10%-ի չափով մաքսատուրքեր։ Միևնույն ժամանակ ԱՄՆ ղեկավարը Չինաստանից ներմուծվող արտադրանքի նկատմամբ մաքսատուրքերը բարձրացրել է մինչև 125%:

Հայերեն

Թբիլիսիում գազի պայթյունից հետո փլատակներից դուրս է բերվել վեցերորդ զոհի մարմինը

Հայկ Մարտիրոսյանը «Total Chess»-ի հերթական խաղում հաղթել է հնդիկ գրոսմայստեր Արջուն Էրիգաիսին

Երեք գերտերությունների մոտ համատեղ գործելու ձգտում կա, սակայն դժվարություններն էլ շատ են․ Գարիկ Քեռյան

Ուիթքոֆն արդյունավետ է որակել Բեռլինում եվրոպացիների հետ բանակցություններն Ուկրաինայի հարցով

Ազգային ժողովի նիստ. ՈՒՂԻՂ

Երևանի քաղաքապետարանը սկսում է համագործակցություն SatisfAI-ի հետ. քաղաքային ծառայություններում կներդրվի արհեստական բանականություն

Նարեկ Մկրտչյանը Դոնալդ Թրամփի Մար-ա-Լագոյի առանձնատանը մասնակցել է Վետերանների ազգային օրվան նվիրված միջոցառմանը

Օլիմպիական վարկանիշային մրցաշարին Հայաստանից կմասնակցի 3 ծանրորդ

ՊԵԿ-ը որոշ ապրանքատեսակների համար իրականացնում է նույնականացման միջոցներով դրոշմավորման փորձնական ծրագիր

Զելենսկին Բեռլինում քննարկումներ է անցկացրել ԱՄՆ նախագահի բանագնացների հետ