Միացյալ Նահանգներ

Սի Ծինփինը կոչ է արել ամբողջությամբ վերացնել միջուկային զենքը

1 րոպեի ընթերցում

Սի Ծինփինը կոչ է արել ամբողջությամբ վերացնել միջուկային զենքը

Չինաստանի նախագահ Սի Ծինփինը Ռուսաստանի և ԱՄՆ-ի ղեկավարներ Վլադիմիր Պուտինի և Դոնալդ Թրամփի հետ եռակողմ հանդիպմանն իր գործընկերներին կոչ է արել արգելել միջուկային զենքը և ամբողջությամբ վերացնել այն։ «Արմենպրես»-ի փոխանցմամբ՝ այս մասին հաղորդում է Reuters գործակալությունը:

«Միջուկային զենքը մարդկության գլխին կախված Դամոկլյան սուր է։ Այն պետք է համապարփակ կերպով արգելվի և ամբողջությամբ վերացվի՝ որպես վերջնական նպատակ ունենալով միջուկային զենքից զերծ աշխարհի ստեղծումը», - հայտարարել է նա։

Սի Ծինփինի խոսքով՝ միջուկային պատերազմում հաղթել հնարավոր չէ, և նման պատերազմ երբեք չպետք է սկսվի։ Նա հավելել է, որ անհրաժեշտ է գործադրել բոլոր ջանքերը՝ միջուկային պատերազմը կանխելու համար։

Ավելի վաղ Թրամփը Չինաստանի և Ռուսաստանի նախագահների հետ քննարկվելիք հարցերի թվում նշել էր նաև միջուկային զինաթափումը։

Reuters-ը հիշեցնում է, որ Պեկինը տարիներ շարունակ խուսափել է Վաշինգտոնի հետ իր միջուկային ծրագրի շուրջ ուղիղ բանակցություններից՝ պնդելով, որ միջուկային մեծ զինանոցներ ունեցող Ռուսաստանն ու ԱՄՆ-ն պետք է այդ հարցը քննարկեն իրար հետ։

AREMNPRESS

Հայաստան, Երևան, 0001, Աբովյան 9

+374 10 539818
[email protected]
fbtelegramyoutubexinstagramtiktokdzenspotify

Ցանկացած նյութի ամբողջական կամ մասնակի վերարտադրման համար անհրաժեշտ է «Արմենպրես» լրատվական գործակալության գրավոր թույլտվությունը

© 2026 ARMENPRESS

Ստեղծվել է՝ MATEMAT-ում