368.52
Դավիթ Կարապետյանն ու Օլիվեր Ռոբբինսը քննարկել են Հայաստան-Միացյալ Թագավորություն հարաբերություններին առնչվող հարցերի լայն շրջանակ
1 րոպեի ընթերցում
Աշխատանքային այցով Մեծ Բրիտանիայում գտնվող Հայաստանի արտաքին գործերի նախարարության գլխավոր քարտուղար Դավիթ Կարապետյանը մարտի 14-ին հանդիպում է ունեցել Միացյալ Թագավորության արտաքին գործերի, համագործակցության և զարգացման գրասենյակի մշտական փոխքարտուղար Օլիվեր Ռոբբինսի հետ:
Ինչպես «Արմենպրես»-ը տեղեկանում է ՀՀ ԱԳՆ-ի տարածած հաղորդագրությունից, հանդիպման ընթացքում կողմերը քննարկել են Հայաստան-Միացյալ Թագավորություն երկկողմ հարաբերությունների օրակարգին առնչվող հարցերի լայն շրջանակ՝ ընդգծելով փոխադարձ հետաքրքրություն ներկայացնող ոլորտներում երկու երկրների նախարարությունների միջև համագործակցության կարևորությունը:
Դավիթ Կարապետյանն ու Օլիվեր Ռոբբինսը մտքեր են փոխանակել երկու երկրների դիվանագիտական դպրոցների միջև համագործակցության շուրջ։
Գլխավոր քարտուղարը զրուցակցին է ներկայացրել տարածաշրջանում կայունությանն ու անվտանգությանն առնչվող հարցերը՝ ընդգծելով երկխոսության և փոխադարձ վստահության անհրաժեշտությունը։
Բաժանորդագրվեք մեր ալիքին Telegram-ում