დავით კარაპეტიანმა და ოლივერ რობინსმა სომხეთ-გაერთიანებული სამეფოს ურთიერთობებთან დაკავშირებული ფართო სპექტრის საკითხები განიხილეს

სამუშაო ვიზიტით დიდ ბრიტანეთში მყოფმა სომხეთის საგარეო საქმეთა სამინისტროს გენერალურმა მდივანმა დავით კარაპეტიანმა, 14 მარტს შეხვედრა გამართა გაერთიანებული სამეფოს საგარეო, თანამეგობრობისა და განვითარების სამინისტროს მუდმივ მოადგილესთან ოლივერ რობინსთან.

როგორც „არმენპრესი“ სომხეთის საგარეო საქმეთა სამინისტროს მიერ გავრცელებულ განცხადებაზე დაყრდნობით იუწყება, შეხვედრის ფარგლებში მხარეებმა სომხეთსა და გაერთიანებულ სამეფოს შორის ორმხრივი ურთიერთობების დღის წესრიგთან დაკავშირებული ფართო სპექტრის საკითხები განიხილეს და ხაზგასმით აღნიშნეს ორ ქვეყანას შორის თანამშრომლობის მნიშვნელობა ურთიერთდაინტერესების სფეროებში.

დავით კარაპეტიანმა და ოლივერ რობინსმა ასევე აზრები გაცვალეს ორი ქვეყნის დიპლომატიური სკოლების თანამშრომლობის პერსპექტივებზე.

გენერალურმა მდივანმა თავის თანამოსაუბრეს რეგიონში სტაბილურობასა და უსაფრთხოებასთან დაკავშირებული საკითხები გააცნო და ხაზი გაუსვა დიალოგისა და ურთიერთნდობის მნიშვნელობას.