Երևանի Մյասնիկյան պողոտայում ավտոմեքենա է շրջվել

Ճգնաժամային կառավարման ազգային կենտրոնը մարտի 8-ին, ժամը 23:34-ին տեղեկություն է ստացել, որ Երևանի Մյասնիկյան պողոտայում տեղի է ունեցել ՃՏՊ․ անհրաժեշտ է փրկարարների օգնությունը:

Ինչպես «Արմենպրես»-ին տեղեկացրին ՀՀ ներքին գործերի նախարարության փրկարար ծառայությունից, դեպքի վայր են մեկնել ՆԳՆ ՓԾ Երևան քաղաքի փրկարարական վարչության հրշեջ-փրկարարական ջոկատի մեկ մարտական հաշվարկ և Փրկարարական ուժերի վարչության հատուկ նշանակության փրկարարական աշխատանքների իրականացման կենտրոնի փրկարարական խումբը։

Պարզվել է, որ Մյասնիկյան պողոտայի թիվ 43/18 հասցեի մոտակայքում Opel մակնիշի ավտոմեքենան գլխիվայր շրջվել է, առկա է վառելիքաքսանյութերի արտահոսք. տուժածներ չկան:

Ըստ աղբյուրի՝ փրկարարներն ուղղել են ավտոմեքենան և կատարել ճանապարհի լվացման աշխատանքներ: