ԵՄ դիվանագիտության ղեկավարը և Ադրբեջանի ԱԳ նախարարը քննարկել են տարածաշրջանային անվտանգության հարցեր
1 րոպեի ընթերցում
Եվրոպական հանձնաժողովի փոխնախագահ, ԵՄ արտաքին գործերի ու անվտանգության քաղաքականության հարցերով բարձր ներկայացուցիչ Կայա Կալասը հեռախոսազրույց է ունեցել Ադրբեջանի արտաքին գործերի նախարար Ջեյհուն Բայրամովի հետ։ «Արմենպրես»-ի փոխանցմամբ՝ այս մասին հաղորդագրություն է տարածել Ադրբեջանի արտաքին գործերի նախարարությունը։
Հեռախոսազրույցի ընթացքում քննարկվել են Ադրբեջանի և ԵՄ-ի միջև հարաբերությունների ներկա վիճակն ու հեռանկարները, տարածաշրջանային և միջազգային անվտանգության հարցեր:
«Կողմերն ընդգծել են երկկողմ համագործակցության լայն ներուժի առկայությունը և օրակարգային հարցերի առաջմղման համար քաղաքական երկխոսության, այդ թվում ՝ փոխայցելությունների ակտիվացման կարևորությունը: Հեռախոսազրույցի ընթացքում կողմերը մտքեր են փոխանակել նաև փոխադարձ հետաքրքրություն ներկայացնող այլ թեմաների շուրջ»,- նշված է հաղորդագրության մեջ։
