1 րոպեի ընթերցում
Ուկրաինայի անդամակցությունը Եվրամիությանը Կիևի ինքնիշխան իրավունքն է, քանի որ խոսքը տնտեսական, այլ ոչ թե ռազմական միավորման մասին է, լրագրողների հետ զրույցում հայտարարել է ՌԴ նախագահի մամուլի քարտուղար Դմիտրի Պեսկովը։ Այդ մասին «Արմենպրես»-ը տեղեկանում է ՏԱՍՍ գործակալությունից:
«Դա ցանկացած երկրի ինքնիշխան իրավունքն է: Խոսքը վերաբերում է ինտեգրացիոն, տնտեսական գործընթացներին, և այստեղ, անշուշտ, ոչ ոք չի կարող ոչինչ թելադրել, - նշել է Կրեմլի ներկայացուցիչը: - Բայց մենք բոլորովին այլ դիրքորոշում ունենք անվտանգության, պաշտպանական կամ ռազմական դաշինքների հետ կապված հարցերի վերաբերյալ։ Իսկ այնտեղ հարցն այլ է, և դա բոլորին լավ հայտնի է»: