391.74
Ուկրաինայում կարգավորումն անհնար է առանց Եվրոպայի անվտանգությունը քննարկելու. Պեսկով
1 րոպեի ընթերցում
Ռուս-ուկրաինական հակամարտության համապարփակ կարգավորումն անհնար է առանց համաեվրոպական անվտանգության հարցերի քննարկման։ «Արմենպրես»-ի փոխանցմամբ՝ այս մասին ճեպազրույցում հայտնել է ՌԴ նախագահի մամուլի քարտուղար Դմիտրի Պեսկովը։
«Իհարկե, համապարփակ կարգավորումը, երկարաժամկետ կարգավորումը, կենսունակ կարգավորումը անհնար է առանց մայրցամաքի անվտանգության հարցերի համալիր քննարկման», - Կրեմլի ներկայացուցչի խոսքերն է մեջբերում ՏԱՍՍ-ը։
Նա նաև հավելել է, որ այժմ դեռ վաղ է գնահատել Սաուդյան Արաբիայում ընթացող ռուս-ուկրաինական բանակցությունները։
Էր Ռիադում հանդիպումը սկսվել է Երևանի ժամանակով մոտ 11։30-ին։ Ռուսաստանի Դաշնությունից բանակցություններին մասնակցում են արտգործնախարար Սերգեյ Լավրովը և նախագահի օգնական Յուրի Ուշակովը, իսկ ամերիկյան կողմից՝ Սպիտակ տան ազգային անվտանգության հարցերով խորհրդական Մայք Ուոլցը, պետքարտուղար Մարկո Ռուբիոն և Մերձավոր Արևելքի հարցերով ԱՄՆ նախագահի հատուկ պատվիրակ Սթիվեն Ուիթքոֆը։
Բաժանորդագրվեք մեր ալիքին Telegram-ում