Ադրբեջանի իշխանություններն արգելել են Դումայի պատգամավոր Նիկոլայ Վալուևի մուտքը հանրապետություն

3 րոպեի ընթերցում

Ադրբեջանը ՌԴ Պետդումայի պատգամավոր Նիկոլայ Վալուևին ընդգրկել է այն անձանց ցուցակում, որոնց մուտքը հանրապետություն արգելված է: «Արմենպրես»-ի փոխանցմամբ՝ այս մասին հայտարարել է Ադրբեջանի արտգործնախարարության մամուլի ծառայության ղեկավար Այխան Հաջիզադեն։

Ըստ նրա՝ այս որոշումը կապված է Բաքվում Ռուսական տան փակվելու մասին Ադրբեջանի իշխանությունների որոշման առնչությամբ Վալուևի արած հայտարարությունների հետ։

«Միանգամայն անընդունելի են ՌԴ Պետդումայի զբոսաշրջության հանձնաժողովի նախագահի առաջին տեղակալ Նիկոլայ Վալուևի վիրավորական արտահայտությունները, որոնք ուղղված են Ադրբեջանի և մեր ժողովրդի դեմ, սպառնալից բնույթի հայտարարությունները մեր երկրի նկատմամբ։ Նշված պատգամավորի հակաադրբեջանական հայացքների կապակցությամբ նրա անունն ընդգրկվել է այն անձանց ցուցակում, որոնց մուտքն Ադրբեջանի Հանրապետություն արգելված է», - Հաջիզադեի խոսքերն է մեջբերում «Ինտերֆաքս» գործակալությունը։

Ադրբեջանի ԱԳՆ ներկայացուցիչը հիշեցրել է, որ սա ՌԴ Պետդումայի պատգամավորներին «անցանկալի անձանց» ցուցակում ընդգրկելու առաջին դեպքը չէ։ Ավելի վաղ համապատասխան ցուցակում ընդգրկվել էին նաև Պետդումայի ԱՊՀ-ի հարցերով հանձնաժողովի նախագահի առաջին տեղակալ Կոնստանտին Զատուլինը և Ընտանիքի պաշտպանության հանձնաժողովի փոխնախագահ Վիտալի Միլոնովը։

Ավելի վաղ Հաջիզադեն հայտարարել էր, որ Բաքուն ռուսական կողմին պաշտոնական նոտա է հղել Ռուսական տան գործունեությունը դադարեցնելու մասին։ Նրա խոսքով՝ Ադրբեջանի տարածքում նման կազմակերպությունների գործունեությունը կարգավորվում է ազգային օրենսդրության, երկրների միջև փոխադարձության սկզբունքի և երկկողմ հիմունքներով ձեռք բերված պայմանավորվածությունների պահանջներին համապատասխան։

Ադրբեջան

Ադրբեջանի ԱԳՆ-ն կոչ է արել փակել Բաքվում գործող Ռուսական տունը

Ավելի վաղ մի շարք լրատվամիջոցներ հաղորդագրություններ էին տարածել այն մասին, որ Վալուևը, ի պատասխան Բաքվում Ռուսական տան գործունեությունը դադարեցնելու մասին Ադրբեջանի ԱԳՆ-ի նոտայի, առաջարկել էր փակել ադրբեջանական սփյուռքի կազմակերպությունները Ռուսաստանում, սահմանափակել ադրբեջանցիների բիզնեսը և այլ միջոցներ ձեռնարկել։

Հայերեն Русский Türkçe

Հրանտ Մաթևոսյանի 90-ամյակին նվիրված միջոցառումների շրջանակում Երևանում բացվեց «Ինքնանկարի փորձ» ցուցադրությունը

Վրաստանի վարչապետը հայտնել է Ռուսաստանի հետ դիվանագիտական ​​հարաբերությունների վերականգնման պայմանները

ՀՀ ԿԲ. թանկարժեք մետաղների գներ և փոխարժեքներ-11/02/25

Ասիական ինդեքսներ - 11/02/25

ՀՀ վարչապետը Փարիզում մասնակցել է Արհեստական բանականության գործողությունների գագաթնաժողովի լիագումար նիստին

ԵՄ-ն պատրաստում է իր արձագանքը պողպատի և ալյումինի ներմուծման նկատմամբ ԱՄՆ-ի կողմից մաքսատուրքերի սահմանմանը

ՀՀ ԿԳՄՍ փոխնախարարն այցելել է ուսումնական հաստատություններ

Քաղաքացիների վճարած հավելյալ 50 դրամը ծառայում է Երևանի տրանսպորտի շարունակական զարգացմանը․ Ավինյանը՝ տրանսպորտի սակագնի մասին

Երևանի ավագանին չընդունեց հանրային տրանսպորտի մեկ ուղևորության սակագինը 100 դրամ սահմանելու «Ազգային առաջընթաց» խմբակցության նախագիծը

Ձեր ստով մարդկանց գլուխը լցնում եք, թե տոմսը դառնում է 300 դրամ. քաղաքապետը` ընդդիմությանը