396.83
Ադրբեջանի ԱԳՆ-ն կոչ է արել փակել Բաքվում գործող Ռուսական տունը
1 րոպեի ընթերցում
Ադրբեջանի արտաքին գործերի նախարարությունը փաստացի կոչ է արել դադարեցնել Ռուսաստանի տան աշխատանքը Բաքվում՝ որպես իրավաբանական անձ գրանցված չլինելու պատճառով։
Ինչպես հաղորդում է «Արմենպրես»-ը, «Ռոսիա 24»-ի եթերում այս մասին հայտարարել է «Ռոսսոտրուդնիչեստվո»-ի ղեկավար Եվգենի Պրիմակովը։
Պրիմակովի խոսքով՝ ՌԴ ԱԳՆ-ն աշխատում է Բաքվում Ռուսաստանի տան հետ կապված իրավիճակը կարգավորելու ուղղությամբ։
«Բաքվում գտնվող Ռուսական տունը մեկուկես ամսվա ընթացքում պետք է լքի իր վարձակալած տարածքը, քանի որ սեփականատերը մտադիր է շտապ վաճառել այն»,- ասել է Պրիմակովը։
Ըստ նրա՝ մեկ այլ տարածքի սեփականատերը, ում հետ բանակցություններ են վարվել, առայժմ «դադար է վերցրել»։
Բաժանորդագրվեք մեր ալիքին Telegram-ում