Հանրապետությունում օդի ջերմաստիճանը կբարձրանա 2-4 աստիճանով

Երևանում փետրվարի 7-ի և 8-ի երեկոյան ժամերին, 9-ի գիշերը հնարավոր է թույլ ձյուն։ Փետրվարի 9-ի ցերեկը, 10-12-ին սպասվում է առանց տեղումների եղանակ:

«Արմենպրես»-ի հաղորդմամբ՝ այս մասին տեղեկացնում է Հիդրոօդերևութաբանության և մոնիթորինգի կենտրոնը՝ նշելով, որ օդի ջերմաստիճանը փետրվարի 7-ի ցերեկը կբարձրանա 2-4 աստիճանով։

Մարզերում փետրվարի 7-ի ցերեկը, 8-9-ին առանձին շրջաններում սպասվում է թույլ ձյուն։ Փետրվարի 10-12-ին կդիտվի առանց տեղումների եղանակ:

Քամին հարավարևելյան 2-5 մ/վ, փետրվարի 8-ին առանձին վայրերում սպասվում է քամու ուժգնացում 14-17 մ/վ։