1 րոպեի ընթերցում
ԳԱՎԱՌ, 9 ՀՈՒՆՎԱՐԻ, ԱՐՄԵՆՊՐԵՍ։ Քաղաքացիական կացության ակտերի գրանցման Սևանի տարածքային սպասարկման գրասենյակում ամփոփվել են 2024 թվականի տարեկան և 4-րդ եռամսյակի ցուցանիշները։
Ինչպես «Արմենպրես»-ին տեղեկացրին Սևանի համայնքապետարանի աշխատակազմից, 2024 թվականի 4-րդ եռամսյակում Սևանի տարածքային սպասարկման գրասենյակում գրանցվել է 34 ծնունդ, 42 ամուսնություն, 10 ամուսնալուծություն, 10 հայրության ճանաչում, 81 մահ:
Կատարված մյուս գործարքների թիվը 679 է: 2024 թվականին գրասենյակում կատարվել է ծննդյան ակտի 267 գրանցում: Ամուսնություն է գրանցել 172 զույգ: Ամուսնալուծությունների թիվը 33 է: Հայրության որոշման ակտի գրանցումների թիվը 77 է:
ՔԿԱԳ գրանցումներում կատարված ուղղումների, լրացումների, փոփոխությունների գործարքի թիվը եղել է 238:
ՔԿԱԳ վկայականի կրկնօրինակ է ստացել 327 քաղաքացի: Տրամադրվել է 500 տեղեկանք:
2024 թվականին գրանցվել է 314 մահ:
Ընդհանուր առմամբ կատարվել է 2222 գործարք, որի արդյունքում համայնքային բյուջե է մուտքագրվել 4 միլիոն 590 հազար դրամ պետական տուրք: