367.01
Կատարը հույս ունի, որ ԱՄՆ-ի և Իրանի միջև համաձայնագիրը կկնքվի առաջիկա ժամերի և օրերի ընթացքում
2 րոպեի ընթերցում
Կատարի արտաքին գործերի նախարարության խոսնակ Մաջեդ Ալ-Անսարին հայտարարել է, որ իր երկիրը շարունակում է կոչ անել տարածաշրջանում լարվածության թուլացման և երկխոսություն անցկացնելու ուղղությամբ։
«Արմենպրես»-ի հաղորդմամբ՝ այս մասին հայտնում է իրանական Mehr լրատվամիջոցը։
Ամենշաբաթյա մամուլի ասուլիսի ընթացքում նա ասել է, որ Կատարը, մասնավորապես, աջակցում է Օմանի միջնորդական ջանքերին և հույս ունի, որ կողմերը համաձայնության կհասնեն առաջիկա ժամերի կամ օրերի ընթացքում։
Անսարին հաստատել է, որ ԱՄՆ-ի ու Իրանի միջև ուղիղ բանակցություններ չեն ընթանում, բայց, նրա խոսքով, միջնորդները խոսում են միմյանց հետ։ Նա նաև հավելել է, որ հակամարտության կարգավորման համաձայնագրերի նախագծերը շրջանառվում են այնպես, ինչպես եղել է փետրվարին՝ հակամարտության սկսվելուց ի վեր։
Ալ-Անսարին շեշտել է, որ միջնորդների ուշադրության կենտրոնում էսկալացիայից խուսափելու, Հորմուզի նեղուցի վերաբացման և կողմերի միջև դիվանագիտության դուռը վերաբացելու վրա է։
«Այն, ինչ մենք հիմա չենք ուզում տեսնել, մեր տարածաշրջանում մեծ էսկալացիան է։ Մենք շատ սերտորեն համագործակցում ենք տարածաշրջանի մեր գործընկերների և հակամարտության կողմերի հետ՝ դիվանագիտական լուծման հասնելու համար»,- հավելել է նա։
Բաժանորդագրվեք մեր ալիքին Telegram-ում