398.94
Հալեպում Թուրքիայի հյուպատոսություն կբացվի
1 րոպեի ընթերցում
ԵՐԵՎԱՆ, 25 ԴԵԿՏԵՄԲԵՐԻ, ԱՐՄԵՆՊՐԵՍ։ Թուրքիայի նախագահ Ռեջեփ Թայիփ Էրդողանը հայտարարել է, որ շուտով Հալեպում կբացվի Թուրքիայի գլխավոր հյուպատոսությունը, և Անկարան կշարունակի աջակցել Սիրիայի նոր իշխանություններին բոլոր ոլորտներում։
Ինչպես հաղորդում է «Արմենպրես»-ը, Էրդողանը այս մասին հայտարարել է խորհրդարանում իշխող «Արդարություն և զարգացում» կուսակցության խմբակցության հետ հանդիպման ժամանակ։
«Մենք վերաբացել ենք մեր դեսպանատունը Դամասկոսում և շուտով կբացենք մեր գլխավոր հյուպատոսությունը Հալեպում: Մենք կաջակցենք Սիրիային այն ամենում, ինչում անհրաժեշտ է՝ էներգիայից մինչև կրթություն և առողջապահություն, անվտանգությունից մինչև առևտուր: Մենք կօգնենք նոր իշխանություններին, որպեսզի Սիրիան վերականգնվի, ուժեղացնի իր կարողությունները և թույլ տա պետական կառույցներին կրկին կատարել իրենց հիմնական պարտականությունները»,- ասել է Էրդողանը։
Բաժանորդագրվեք մեր ալիքին Telegram-ում