1 րոպեի ընթերցում
ԵՐԵՎԱՆ, 22 ԴԵԿՏԵՄԲԵՐԻ, ԱՐՄԵՆՊՐԵՍ: Գազայի հատվածում իսրայելական բանակի գործողությունների հետևանքով վերջին 24 ժամում զոհվել է 32, վիրավորվել՝ 54 պաղեստինցի։
«Արմենպրես»-ի հաղորդմամբ՝ այս մասին նշված է Գազայի առողջապահական գերատեսչության տարածած հաղորդագրության մեջ:
Նշվում է, որ փլատակների տակ և ճանապարհներին դեռևս կան տուժածներ, շտապօգնության և քաղաքացիական պաշտպանության խմբերը չեն կարողանում հասնել նրանց։
Ըստ գերատեսչության տվյալների՝ 2023 թվականի հոկտեմբերի 7-ից ի վեր Իսրայելի հարվածների հետևանքով Գազայում զոհերի թիվը հասել է 45 հազար 259-ի, իսկ վիրավորներինը՝ 107 հազար 627-ի: