Ասադի ռեժիմի անկումը ողջունելի է, բայց Սիրիայի ապագայի հարցում պետք է զգույշ լինել․ Մեծ Բրիտանիայի վարչապետ
1 րոպեի ընթերցում
ԵՐԵՎԱՆ, 14 ԴԵԿՏԵՄԲԵՐԻ, ԱՐՄԵՆՊՐԵՍ։ Մեծ Բրիտանիայի վարչապետ Քիեր Սթարմերը հայտարարել է, որ Սիրիայում Բաշար ալ-Ասադի ռեժիմի ավարտը ողջունելի է, սակայն հարկավոր է զգուշություն ցուցաբերել երկրի ապագայի հարցում։
Ինչպես տեղեկացնում է «Արմենպրես»-ը՝ վկայակոչելով «Reuters»-ը, Սթարմերը նշել է, որ Սիրիային անհրաժեշտ է «վստահելի, ներառական և ոչ կրոնական կառավարում, որը կներկայացնի բոլոր սիրիացիներին»։
Վարչապետի խոսնակը հաղորդել է, որ Սթարմերը այս հայտարարությունը արել է «Յոթնյակի» (G7) մյուս առաջնորդների հետ հեռախոսազրույցի ընթացքում՝ քննարկելով Սիրիայում զարգացող իրադրությունը։
«Ասադի ռեժիմի անկումը պետք է ողջունվի, բայց պետք է զգույշ լինել՝ հասկանալով, թե ինչ կլինի հետագայում», - ասել է Սթարմերը։