1 րոպեի ընթերցում
ԵՐԵՎԱՆ, 3 ԴԵԿՏԵՄԲԵՐԻ, ԱՐՄԵՆՊՐԵՍ: Ռուսաստանի նախագահ Վլադիմիր Պուտինը Թուրքիայի նախագահ Ռեջեփ Թայիփ Էրդողանի հետ հեռախոսազրույցում մանրամասն քննարկել է Սիրիայում իրավիճակի սրումը:
«Արմենպրես»-ի փոխանցմամբ, այս մասին հաղորդում է Կրեմլի մամուլի ծառայությունը` նշելով, որ զրույցը տեղի է ունեցել թուրքական կողմի նախաձեռնությամբ:
«Մանրամասն քննարկվել է Սիրիայում կտրուկ սրված իրավիճակը»,- ասվում է հաղորդագրության մեջ:
Ըստ աղբյուրի՝ երկու երկրների ղեկավարները պայմանավորվել են մշտապես շփման մեջ լինել կարգավորման ուղիներ գտնելու համար։