1 րոպեի ընթերցում
ԵՐԵՎԱՆ, 27 ՍԵՊՏԵՄԲԵՐԻ, ԱՐՄԵՆՊՐԵՍ։ ՄԱԿ-ի գլխավոր ասամբլեայի 79-րդ նստաշրջանի շրջանակում ՀՀ արտգործնախարար Արարատ Միրզոյանը հանդիպել է լիբանանցի գործընկերոջ՝ Աբդալլահ Բու Հաբիբի հետ։ «Արմենպրես»-ի հաղորդմամբ՝ Միրզոյանն այդ մասին տեղեկացրել է սոցցանցի X հարթակում։
«Անդրադարձել ենք Մերձավոր Արևելքում առկա իրավիճակին։ Անկեղծ ցավակցություն եմ հայտնել Լիբանանի քաղաքացիական բնակչության շրջանում զոհերի կապակցությամբ։ Ընդգծել եմ Հայաստանի սկզբունքային դիրքորոշումը ռազմական գործողությունների անհապաղ դադարեցման և հետագա էսկալացիայից խուսափելու անհրաժեշտության վերաբերյալ»,- գրել է ՀՀ արտգործնախարարը։