Բաթումիում տեղի է ունեցել Ադրբեջանի և Վրաստանի պաշտպանության նախարարների հանդիպումը
1 րոպեի ընթերցում
![Բաթումիում տեղի է ունեցել Ադրբեջանի և Վրաստանի պաշտպանության նախարարների հանդիպումը](http://armenpress.am/resized/480/storage/images/articles/2024/09/10/6daLtoHOkXCRszmfo0ZwE0ao5UwarKSSajf74OXI.webp)
ԵՐԵՎԱՆ, 10 ՍԵՊՏԵՄԲԵՐԻ, ԱՐՄԵՆՊՐԵՍ։ Բաթումում տեղի է ունեցել Վրաստանի և Ադրբեջանի պաշտպանության նախարարներ Իրակլի Չիկովանիի և Զաքիր Հասանովի հանդիպումը։
Ինչպես հաղորդում է «Արմենպրես»-ը, այս մասին հայտնում են ադրբեջանական ԶԼՄ-ները։
Հանդիպմանը քննարկվել են երկու երկրների ռազմական համագործակցության հեռանկարները, տեղի է ունեցել մտքերի հանգամանալից փոխանակում համատեղ վարժանքների ինտենսիվության բարձրացման շուրջ։ Այնուհետև նախարարները քննարկել են տարածաշրջանում խաղաղության և անվտանգության ապահովման, ռազմական, ռազմատեխնիկական, ռազմակրթական ոլորտներում համագործակցության նոր հեռանկարներ, ինչպես նաև փոխադարձ հետաքրքրություն ներկայացնող այլ հարցեր։