Եվրահանձնաժողովի փոխնախագահը կժամանի Երևան՝ սկսելու վիզաների ազատականացման շուրջ քաղաքական երկխոսությունը

2 րոպեի ընթերցում

ԲՐՅՈՒՍԵԼ, 6 ՍԵՊՏԵՄԲԵՐԻ, ԱՐՄԵՆՊՐԵՍ։ Եվրահանձնաժողովի փոխնախագահ Մարգարիտիս Սխինասը սեպտեմբերի 9-ին կժամանի Երևան՝ վիզաների ազատականացման շուրջ քաղաքական երկխոսությունը սկսելու համար։  

Բրյուսելում «Արմենպրես»-ի թղթակցի փոխանցմամբ՝ Եվրահանձնաժողովից տեղեկացրել են, որ փոխնախագահ Սխինասը հանդիպումներ կունենա  նախագահ Վահագն Խաչատուրյանի, վարչապետ Նիկոլ Փաշինյանի և ԱԳ նախարար Արարատ Միրզոյանի հետ՝ քննարկելու վիզային ռեժիմի ազատականացման շուրջ երկխոսության մեկնարկը, ԵՄ-ի և Հայաստանի միջև ծրագրային գործընկերության այլ ոլորտները։  

Եվրահանձնաժողովի հրապարակած հաղորդագրության մեջ նշված է, որ վիզաների ազատականացման շուրջ քաղաքական երկխոսության մեկնարկը` փոխվարչապետ Մհեր Գրիգորյանի հետ, ուժեղ ազդանշան է ԵՄ-ի և նրա անդամ երկրների կողմից ԵՄ-ի և Հայաստանի միջև առանց այն էլ ամուր գործընկերության խորացման վճռականության մասին: 

Երկխոսության նպատակն է վերացնել վիզայի պահանջը ՀՀ քաղաքացիների համար ԵՄ-ում կարճաժամկետ մնալու պարագայում։ Դա հնարավոր կլինի միայն այն ժամանակ, երբ Հայաստանի իշխանությունները էական բարեփոխումներ իրականացնեն այնպիսի հիմնական ոլորտներում, ինչպիսիք են ճամփորդական փաստաթղթերի անվտանգությունը, սահմանների կառավարումը, տեղաշարժի ազատության հետ կապված հիմնարար իրավունքները և մի շարք այլ ոլորտներում։ 

«Ինչպես ցույց է տվել երրորդ երկրների հետ ունեցած փորձը, Հայաստանի հետ այս երկխոսությունը բազմամյա գործընթաց է լինելու, որը կիրականացվի ԵՄ անդամ երկրների հետ սերտ համագործակցությամբ՝ բարեփոխումների առաջընթացը և զարգացումները վերահսկելու նպատակով։ Փոխնախագահն իր այցի ընթացքում քննարկում կունենա նաև Երևանի պետական համալսարանի ուսանողների հետ՝ ԵՄ-ի և Հայաստանի միջև հարաբերություններում վերջին շրջանում գրանցված զգալի առաջընթացի և ընդհանուր արժեքների հիման վրա այդ հարաբերությունների խորացման հեռանկարների շուրջ»,- ասված է Եվրահանձնաժողովի հայտարարության մեջ։ 

Լիլիթ Գասպարյան 

Հայերեն العربية English Français ქართული Русский Türkçe 中文

Խափանվել է ԱՄՆ Ազգային անվտանգության գործակալության գաղտնի կապի համակարգը․ լրատվամիջոց

Կայացել է «Հարավկովկասյան երկաթուղու» կառավարման արդյունավետության հետ կապված խնդիրները քննարկելու նպատակով ստեղծված աշխատանքային խմբի առաջին հանդիպումը

ԱՄՆ-ում դադարեցրել են երթուղիչների տեղադրումը՝ օդային հաղորդակցության համակարգում խափանումից հետո․ լրատվամիջոց

«Ֆոտոլուր»-ը հաղթել է հեղինակային իրավունքի խախտման առնչությամբ դատական գործում

Միացյալ Նահանգները նախատեսում է մինչև դեկտեմբեր որոշում կայացնել Եվրոպայում իր զորքերի ներկայության վերաբերյալ

Եմենում առնվազն 9 մարդ է զոհվել արաբական դաշինքի հասցրած հարվածներից

Միրզոյանն ամփոփել է Բրյուսել աշխատանքային այցը

Ազգային ժողովի Հայաստան-Ֆինլանդիա, Նորվեգիա բարեկամական խմբի անդամները հանդիպել են ՀՀ-ում Ֆինլանդիայի դեսպանին

Հաագայի դատարանը հերթական դատավճիռն է կայացրել Կոսովոյի ալբանացի զինյալների նախկին առաջնորդի նկատմամբ

Ուժեղ պայթյուն է որոտացել իրանական Քեշմ կղզու մոտակայքում