ՌԴ նախագահի Բաքու կատարած այցի ժամանակ քննարկվել է Բաքվի և Երևանի հաշտեցման թեման. Զախարովա

2 րոպեի ընթերցում

ՄՈՍԿՎԱ, 21 ՕԳՈՍՏՈՍԻ, ԱՐՄԵՆՊՐԵՍ։ Ռուսաստանի Դաշնության արտաքին գործերի նախարարության պաշտոնական ներկայացուցիչ Մարիա Զախարովան օգոստոսի 21-ին կայացած մամուլի ասուլիսի ժամանակ հաստատել է, որ ՌԴ նախագահի՝ Բաքու կատարած այցի ժամանակ քննարկվել է Բաքվի եւ Երևանի հաշտեցման թեման։ 

«Արմենպրես»-ի թղթակցի հաղորդմամբ՝ Զախարովան նշել է, որ ՌԴ բոլոր ջանքերն այդ ուղղությամբ համապատասխանում են հատուկ դաշնակցային հարաբերությունների ոգուն՝ ինչպես Բաքվի, այնպես էլ Երևանի հետ, որի հիմքում ընկած են պատմական, մշակութային ընդհանուր արժեքներ։ 

«Խաղաղության պայմանագրի ստորագրումը կարևորագույն պայման է տարածաշրջանում խաղաղության ու կայունության հաստատման համար։ Մեր երկիրը բոլոր մակարդակներում հայտարարել է, որ շահագրգռված է, որ դա լինի հնարավորինս շուտ։ Այն հաստատվել է անձամբ ՌԴ նախագահի կողմից, ով հայտնել է նաեւ իր մտադրության մասին` Բաքու կատարած այցից հետո կապ հաստատել ՀՀ վարչապետ Նիկոլ Փաշինյանի հետ` շարունակելու հիմնախնդրի կարգավորման հարցի շուրջ երկխոսությունը։ Մենք պատրաստ ենք օժանդակել կողմերին՝ եռակողմ պայմանավորվածության շրջանակում»,- նշել է Զախարովան։ 

Անդրադառնալով ՀԱՊԿ-ի միջոցառումներին  Հայաստանի մասնակցությանը՝ ՌԴ ԱԳՆ պաշտոնական ներկայացուցիչը նշել է, որ ՀԱՊԿ-ի դռները միշտ բաց են և, իր կարծիքով, այդ կառույցից բացի անվտանգության այլ երաշխավոր չկա Հայաստանի համար։ 

Զախարովան խոսել է նաեւ վերջին շրջանում հայ-ադրբեջանական սահմանին լարվածության հնարավոր աճի վերաբերյալ տեղեկատվության մասին, նշել, որ պարբերաբար երկու կողմերին  կոչ են անում զսպվածություն ցուցաբերել եւ բոլոր վիճահարույց հարցերը լուծել բացառապես խաղաղ եւ դիվանագիտական ճանապարհով։

Հայերեն العربية English Español فارسی Français Русский

Վահան Կոստանյանը Ալբանիայի գործընկերոջ հետ քննարկել է երկկողմ օրակարգի ընդլայնման հեռանկարները

«Երևանի ավտոբուս»-ում մեկնարկել է «Հայգեր» մակնիշի ավտոբուսների նվիրատվության գործընթաց

Հայաստանն ընդունել է Գազայից երեք պաղեստինցի երեխաների` խիստ անհրաժեշտ մասնագիտացված բժշկական օգնություն ցուցաբերելու նպատակով

ԱԳՄԱ նախարարի տեղակալը մասնակցել է Ասիա-խաղաղօվկիանոսյան տարածաշրջանի տրանսպորտի հարցերով նախարարական հինգերորդ համաժողովի եզրափակիչ նիստին

Շինաշխատանքներով պայմանավորված նոյեմբերի 21-ից 24-ը կփակվի Վաղարշապատ-Մասիս ճանապարհի մի հատվածը

Մեկնարկել են «Անվտանգ տարի փրկարարի հետ» իրազեկման և ուսուցման դասընթացները․ մասնակցել է ավելի քան 900 քաղաքացի

Քաղաքացիները կկարողանան եկամտային հարկից հատկացումներ կատարել ՀԿ-ներին, լրատվամիջոցներին և կուսակցություններին

Գավառ համայնքում հայտնի են «Վոլեյբոլի դպրոցականների լիգա» մրցաշարի համայնքային փուլի հաղթող թիմերը

Փաշինյանը ցավակցություն է հայտնել Թբիլիսիում պայթյունի հետևանքով զոհվածների հարազատներին

Շիրակի քրեական ոստիկանները թմրանյութի իրացումների շղթա են բացահայտել