Իսպանացի պատգամավորը Խաղաղության եվրոպական հիմնադրամից ՀՀ֊ին օգնություն հատկացնելու որոշումը երկրի ինքնիշխանությանն աջակցելու ազդանշան է համարում

3 րոպեի ընթերցում

ԵՐԵՎԱՆ, 29 ՀՈՒԼԻՍԻ, ԱՐՄԵՆՊՐԵՍ։ Իսպանացի պատգամավոր Ջոն Ինյարիտուի դիտարկմամբ՝ Խաղաղության եվրոպական հիմնադրամից Հայաստանին հատկացվելիք 10 միլիոն եվրո աջակցությունը ոչ միայն ֆինանսական ներդրում է, այլև համերաշխության ու տարածաշրջանում Հայաստանի ռազմավարական նշանակության ճանաչման վերաբերյալ հայտարարություն, ինչպես նաև հանդիսանում է Հայաստանի ինքնիշխանությանն ու տարածքային ամբողջականությանն աջակցելու հստակ ազդանշան:

Պատգամավորն այս մասին «Արմենպրես»-ի թղթակցի հարցին ի պատասխան ասաց՝  անդրադառնալով Խաղաղության եվրոպական հիմնադրամից Հայաստանին 10 միլիոն եվրոյի աջակցություն տրամադրելու՝ ԵՄ խորհրդի որոշմանը։ 

Ջոն Ինյարիտույի կարծիքով՝ Հայաստանին հատկացվող այդ գումարը ռազմավարական ներդրում է խաղաղության և անվտանգության գործում։ Նրա դիտարկմամբ՝ այդ ֆինանսավորումը կբարձրացնի Հայաստանի պաշտպանունակությունը, կբարելավի քաղաքացիական պաշտպանությունը և կնպաստի տարածաշրջանային կայունությանը` մարմնավորելով համերաշխության և համագործակցության սկզբունքները, որոնք սահմանում են ԵՄ-Հայաստան հարաբերությունները:

«Սա ոչ միայն ֆինանսական ներդրում է, այլև համերաշխության ու տարածաշրջանում Հայաստանի ռազմավարական նշանակության ճանաչման հայտարարություն: ԵՄ-ի որոշումը Հայաստանի ինքնիշխանությանն ու տարածքային ամբողջականությանը աջակցելու հստակ ազդանշան է», - ասաց պատգամավորը՝ նկատելով, որ Երևանին տրամադրվելիք ֆինանսական աջակցությունը կբարելավի քաղաքացիական անձանց պաշտպանությունը ճգնաժամային և արտակարգ իրավիճակներում, ինչը նշանակում է ավելի լավ պատրաստվածություն և ավելի արագ արձագանքման կարողություններ բնական աղետների, զինված հակամարտությունների կամ այլ արտակարգ իրավիճակների դեպքում, որոնք կենսական նշանակություն ունեն Հայաստանի քաղաքացիների կյանքի և բարեկեցության պահպանման առումով:

Ինյարիտուն համոզմունք հայտնեց, որ ավելի ուժեղ, ավելի կարող Հայաստանը նպաստում է Հարավային Կովկասի տարածաշրջանի ընդհանուր կայունությանը։ 

«Հուսանք, որ սա կլինի ոչ թե միանվագ հատկացում, այլ ժողովրդավարական երկրների կողմից Ադրբեջանի հետագա ագրեսիան կանխելու կայուն աջակցության ջանքերի մաս: 

Ալիևի վարչակարգի վերջին պատերազմական հռետորաբանությունն՝ ի պատասխան այս հատկացմանը և Միացյալ Նահանգների ու Հայաստանի համատեղ զորավարժություններին, ընդգծում է շարունակվող սպառնալիքը», - իր խոսքում նշեց Ջոն Ինյարիտուն՝ ընդգծելով, որ շարունակական միջազգային աջակցությունը վճռորոշ է Հայաստանի անվտանգության և կայունության ապահովման համար:

Հայերեն English Español Français Русский

«Հայաստանի AI հնարավորությունը. գաղափարից՝ գործողություն» խորագրով քննարկում

Տելեկոմից մինչև ֆինտեխ, էներգետիկա, լոգիստիկա և ավելին. Team Group-ը Digitec-ում թվային նոր լուծումներ ու հարթակներ է ներկայացնում

Երևանի լողի թիմերը հաղթեցին «ՀՀ վարչապետի գավաթ» դպրոցականների մրցաշարում

Նախարարը հաջողություն է մաղթել դպրոցականների լողի մրցաշարի եզրափակիչ փուլի մասնակիցներին

Հայկ Մարտիրոսյանը «Total Chess World Championship Tour Pilot 2026»-ում զբաղեցրել է 9-րդ հորիզոնականը

ԱրարատԲանկը տեղաբաշխելու է «Ֆարմ Կրեդիտ Արմենիայի»՝ Հայաստանում առաջին սոցիալական պարտատոմսերը

Աբովյան համայնքին է վերադարձվել Հատիս փողոցում գտնվող հողամասը. Գլխավոր դատախազություն

3,79 միլիարդ դոլար՝ մեկ օրում. GTA VI-ը ռեկորդ է սահմանել տեսախաղերի պատմության մեջ

Շիրակի մարզում մեկնարկել է կարկտահարությունից տուժած բնակիչներին և տնտեսություններին մասնակի փոխհատուցման տրամադրման գործընթացը

Եվրոպական ինդեքսները նվազել են - 20/11/26