ՀՀ-ում Էստոնիայի դեսպանը ԵՄ դիտորդական առաքելության հետ այցելել է Գորիս

ԵՐԵՎԱՆ, 25 ՀՈՒԼԻՍԻ, ԱՐՄԵՆՊՐԵՍ։ Հայաստանի Հանրապետությունում Եվրոպական միության դիտորդական առաքելության ղեկավար Մարկուս Ռիտերը հանդիպել է ՀՀ-ում իր դիվանագիտական առաքելությունն ավարտող Էստոնիայի արտակարգ և լիազոր դեսպան Ռինա Կալյուրանդին։

«Արմենպրես»-ի փոխանցմամբ՝ այս մասին ԵՄ առաքելությունը X-ի միկրոբլոգում գրառում է կատարել՝ հավելելով, որ ՀՀ-ում Էստոնիայի դեսպանը միացել է նաև Գորիս քաղաքի հատվածում պարեկություն իրականացնող խմբին։  

Head of Mission Markus Ritter met with Ambassador of Estonia 🇪🇪 to Armenia @RiinaKaljurand, who is concluding her appointment in Armenia. The Ambassador also joined a patrol in the Goris area. Thanking the Ambassador for her cooperation and Estonia's contribution to the Mission. pic.twitter.com/WCpMDbHX4t

— European Union Mission in Armenia (@EUmARMENIA) July 25, 2024

«Առաքելության ղեկավար Մարկուս Ռիտերը հանդիպել է Հայաստանում Էստոնիայի դեսպան Ռինա Կալյուրանդին, ով ավարտում է իր առաքելությունը Հայաստանում։ Դեսպանը միացել է նաև Գորիսի շրջանում պարեկություն իրականացնող խմբին», - նշել է առաքելությունը՝ շնորհակալություն հայտնելով դեսպանին համագործակցության և առաքելության գործունեության մեջ Էստոնիայի ունեցած ներդրման համար: