1 րոպեի ընթերցում
ԵՐԵՎԱՆ, 18 ՀՈՒԼԻՍԻ, ԱՐՄԵՆՊՐԵՍ։ ԱՄՆ նախագահ Ջո Բայդենի մոտ կորոնավիրուս է հաստատվել։ «Արմենպրես»-ի փոխանցմամբ՝ այս մասին հաղորդում է CNN-ը։
81-ամյա Բայդենի մոտ թեթև ախտանշաններ են։ Բայդենը պատվաստված է, նաև ստացել է Paxlovid հակավիրուսային դեղամիջոցի առաջին դեղաչափը։
«Ես լավ եմ զգում», - ասել է Բայդենը լրագրողներին ինքնաթիռ նստելիս։
Բայդենը մեկնել է Դելավեր նահանգում գտնվող իր առանձնատուն, որտեղ կմեկուսանա հիվանդության ընթացքում։
ԱՄՆ նախագահի նախընտրական քարոզարշավի խմբից CNN-ին հայտնել են, որ ընտրարշավի ծրագրերը կփոփոխվեն, և հնարավորինս շատ բան կարվի հեռավար։
Իսկ Սպիտակ տան պաշտոնյաներից մեկն ասել է, որ Բարդենը նախկինում էլ հիվանդացել է COVID-19-ով, և այդ ընթացքում աշխատանքը շարունակվել է տեսազանգերի միջոցով։