Իրանահայ խորհրդարանականները շնորհավորել են Մասուդ Փեզեշքիանին ընտրություններում հաղթանակի առթիվ
1 րոպեի ընթերցում
ԵՐԵՎԱՆ, 13 ՀՈՒԼԻՍԻ, ԱՐՄԵՆՊՐԵՍ։ Իրանի խորհրդարանի (Մեջլիս) հայ խորհրդարանականները շնորհավորել են երկրի նորընտիր նախագահ Մասուդ Փեզեշքիանին նախագահական ընտրություններում տարած հաղթանակի կապակցությամբ։
«Արմենպրես»-ի հաղորդմամբ՝ այս մասին հայտնում է իրանական Mehr գործակալությունը։
«Կառավարության պաշտոնյաների փոխգործակցությունն ու սիներգիան երկրի ժողովրդին կբերի վարդագույն ու լուսավոր ապագայի», - ընդգծել են իրանահայ օրենսդիրները։
Ըստ աղբյուրի՝ խորհրդարանականներ Արա Շահվերդյանն, ով Թեհրանում հայ-քրիստոնեական կազմակերպության ներկայացուցիչն է, և Սպահանում եւ Հարավային Իրանում հայ-քրիստոնեական կազմակերպության ներկայացուցիչ Մանսուրյանը, շնորհավորել են Մասուդ Փեզեշքիանին Իրանի Իսլամական Հանրապետության 9-րդ նախագահի պաշտոնում ընտրվելու առիթով՝ Իրանի կառավարությանն ու ժողովրդին մաղթելով հետագա հաջողություններ։