Երևանի մետրոպոլիտենի ղեկավար Բաբկեն Սեդրակյանն ընդունել է Հայաստանում Չեխիայի դեսպան Պետր Պիրունչիկին
1 րոպեի ընթերցում
ԵՐԵՎԱՆ, 11 ՀՈՒԼԻՍԻ, ԱՐՄԵՆՊՐԵՍ: Կարեն Դեմիրճյանի անվան Երևանի մետրոպոլիտենի գլխավոր տնօրենի ժամանակավոր պաշտոնակատար Բաբկեն Սեդրակյանը հուլիսի 11-ին ընդունել է Հայաստանում Չեխիայի Հանրապետության արտակարգ և լիազոր դեսպան Պետր Պիրունչիկին։
Ինչպես «Արմենպրես»-ին տեղեկացրին Երևանի մետրոպոլիտենից, ողջունելով հյուրին՝ Բաբկեն Սեդրակյանը հույս է հայտնել, որ հայ-չեխական հարաբերությունները կշարունակեն զարգանալ ու ամրապնդվել նաև տրանսպորտային ոլորտում՝ ներառելով համագործակցության եզրեր Չեխիայի մետրոպոլիտենի հետ։
Ըստ աղբյուրի՝ շնորհակալություն հայտնելով ընդունելության համար՝ Պետր Պիրունչիկինը նշել է, որ իր լիազորությունների շրջանակում կանի հնարավորը՝ նոր հարաբերությունների հաստատման ու գործնական ծրագրերի իրականացման համար:
Նշվում է, որ հանդիպման ավարտին պայմանավորվածություն է ձեռք բերվել ակտիվ կապ պահպանել մեկնարկած քննարկումները շարունակելու և գործնական քայլեր ձեռնարկելու վերաբերյալ։