Թուրքիան մտադիր չէ ռուս-ուկրաինական հակամարտության կողմ դառնալ. Էրդողան

ԵՐԵՎԱՆ, 11 ՀՈՒԼԻՍԻ, ԱՐՄԵՆՊՐԵՍ: Թուրքիայի նախագահ Ռեջեփ Թայիփ Էրդողանը հայտարարել է, որ Թուրքիան մտադիր չէ ռուս-ուկրաինական հակամարտության կողմ դառնալ: 

Ինչպես հաղորդում է «Արմենպրես»-ը, Էրդողանն այս մասին հայտարարել է Newsweek-ի հետ զրույցում:  

ՆԱՏՕ-ի ներսում ծավալված քննարկման վերաբերյալ հարցին ի պատասխան, թե արդյոք դաշինքի հրահանգիչներն ու զինվորականները կարո՞ղ են գնալ Ուկրաինա, Էրդողանը պատասխանել է. «մենք այս պատերազմի կողմ չենք լինելու»: