1 րոպեի ընթերցում
ԵՐԵՎԱՆ, 6 ՀՈՒԼԻՍԻ, ԱՐՄԵՆՊՐԵՍ։ Իրանի նախագահի արտահերթ ընտրությունների երկրորդ փուլում հաղթել է ռեֆորմիստական թևի ներկայացուցիչ Մասուդ Փեզեշքիանը։
«Փեզեշքիանը, որը ուրբաթ օրը կայացած ընտրություններում հավաքել է ձայների մեծամասնությունը, Իրանի հաջորդ նախագահն է», - «Արմենպրես»-ի հաղորդմամբ՝ հայտարարել է Իրանի ներքին գործերի նախարարությունը:
Փեզեշքիանն ընտրությունների երկրորդ փուլում ստացել է ավելի քան 16 միլիոն ձայն, իսկ նրա մրցակից՝ պահպանողական թևի ներկայացուցիչ Սաիդ Ջալիլին՝ ավելի քան 13 միլիոն, հայտարարել են ընտրական հանձնաժողովում:
Երկրորդ փուլում ընտրողների ակտիվությունը կազմել է գրեթե 50 տոկոս։