1 րոպեի ընթերցում
ԵՐԵՎԱՆ, 26 ՀՈՒՆԻՍԻ, ԱՐՄԵՆՊՐԵՍ: ՆԱՏՕ-ի անդամ 32 երկրի դեսպաններ Բրյուսելում Հյուսիսատլանտյան խորհրդի նիստում հաստատել են Մարկ Ռյուտեի թեկնածությունը կառույցի գլխավոր քարտուղարի պաշտոնում։ Ինչպես հաղորդում է «Արմենպրես»-ը, այս մասին հայտնում է ՆԱՏՕ-ի պաշտոնական կայքը։
Ռյուտեն ՆԱՏՕ-ի գլխավոր քարտուղարի պաշտոնում ընտրվել է 5 տարի ժամկետով։
Նա իր պարտականություններին կանցնի հոկտեմբերից՝ փոխարինելով նորվեգացի Յենս Ստոլտենբերգին։