1 րոպեի ընթերցում
ԵՐԵՎԱՆ, 20 ՀՈւՆԻՍԻ, ԱՐՄԵՆՊՐԵՍ: Ռուսաստանը պատրաստ է հացահատիկ մատակարարել աֆրիկյան երկրներ՝ անկախ հացահատիկի գործարքի հետագա ճակատագրից: Ինչպես «Արմենպրես»-ը տեղեկանում է «Интерфакс» գործակալությունից, այս մասին հայտարարել է ՌԴ նախագահի մամուլի քարտուղար Դմիտրի Պեսկովը։
Լրագրողների այն հարցին, թե արդյոք աֆրիկյան մայրցամաքի ներկայացուցիչների հետ Սանկտ Պետերբուրգում վերջին հանդիպման ժամանակ քննարկվել է ռուսական հացահատիկի ուղղակի մատակարարումների հարցը՝ առանց հացահատիկի գործարքին մասնակցության, Կրեմլի ներկայացուցիչը պատասխանել է. «Ընդգծվել է հացահատիկի, ամենից առաջ՝ ռուսական հացահատիկի մատակարարումների կարևորությունը աֆրիկյան մայրցամաք, ամենաաղքատ երկրներ: Այդ մատակարարումները շարունակելու կարևորությունն իսկապես ընդգծվել է»։