368.59
Հենց Երևանը պատրաստ լինի, մենք կարող ենք վերադառնալ Հայաստանում ՀԱՊԿ-ի առաքելության տեղակայման առարկայական հարցերին․ Զախարովա
1 րոպեի ընթերցում
ԵՐԵՎԱՆ, 12 ԱՊՐԻԼԻ, ԱՐՄԵՆՊՐԵՍ: Ռուսական կողմը բավարարված է նրանով, որ Հայաստանը պահպանում է հետաքրքրվածությունը Հավաքական անվտանգության պայմանագրի կազմակերպության խաղաղապահներին ընդունելու հարցում: «Արմենպրես»-ի փոխանցմամբ՝ նման հայտարարություն է արել ՌԴ ԱԳՆ պաշտոնական ներկայացուցիչ Մարիա Զախարովան՝ վկայակոչելով ՌԴ արտգործնախարար Սերգեյ Լավրովի խոսքերը:
«Կարող եմ նաև հավելել, որ հենց Երևանում պատրաստ լինեն, մենք կարող ենք վերադառնալ Հայաստանում ՀԱՊԿ-ի առաքելության տեղակայման վերաբերյալ առարկայական հարցերին՝ կապված կոնկրետ մանրամասների հետ», - ասել է դիվանագետը:
Ինչ վերաբերում է նման առաքելության տեղակայման ժամկետների վերաբերյալ լրագրողի հարցին, Զախարովան նշել է, որ այդ հարցը հարկավոր է ուղղել Երևանին, քանի որ առաքելությունը «պետք է տեղակայվի կամ կարող է տեղակայվել Հայաստանում»:
Բաժանորդագրվեք մեր ալիքին Telegram-ում