1 րոպեի ընթերցում
ԵՐԵՎԱՆ, 3 ՀՈՒՆԻՍԻ, ԱՐՄԵՆՊՐԵՍ: Աֆրիկայի դերը միջազգային ասպարեզում մեծանում է: Ռուսաստանը կզարգացնի հարաբերությունները այս մայրցամաքի պետությունների հետ: Ինչպես հաղորդում է «Արմենպրես»-ը՝ վկայակոչելով ՏԱՍՍ-ը, այս մասին ասել է ՌԴ նախագահ Վլադիմիր Պուտինը:
«Աֆրիկայի դերն ընդհանուր առմամբ միջազգային ասպարեզում քաղաքական առումով մեծանում է: Մենք կարծում ենք, որ Աֆրիկան որպես ամբողջություն և նրա առանձին պետությունները, որոնց հետ ավանդաբար շատ լավ, առանց որևէ չափազանցության, բարեկամական հարաբերություններ ունենք, մեծ հեռանկարներ ունեն: Եվ դրանից ելնելով՝ մենք մտադիր ենք էլ ավելի զարգացնել մեր հարաբերությունները Աֆրիկայի և նրա առանձին պետությունների հետ», - ասել է Ռուսաստանի ղեկավարը։