Հայաստանում սպասվում է փոփոխական եղանակ. օդի ջերմաստիճանը կբարձրանա 4-6 աստիճանով

ԵՐԵՎԱՆ, 31 ՀՈԿՏԵՄԲԵՐԻ, ԱՐՄԵՆՊՐԵՍ: Հայաստանի տարածքում հոկտեմբերի 31-ի ցերեկը, նոյեմբերի 1-ին և 3-ին առանձին շրջաններում, 4-ին շրջանների զգալի մասում սպասվում են տեղումներ, լեռնային շրջաններում՝ թաց ձյան տեսքով: Նոյեմբերի 2-ին և 5-ին սպասվում է առանց տեղումների եղանակ:

Քամին կլինի հարավ-արևմտյան՝ 5-10 մ/վ արագությամբ:

Օդի ջերմաստիճանը նոյեմբերի 1-3-ի ցերեկն աստիճանաբար կբարձրանա 4-6 աստիճանով:

Ինչպես «Արմենպրես»-ին տեղեկացրին ՀՀ արտակարգ իրավիճակների նախարարությունից, Երևան քաղաքում հոկտեմբերի 31-ի և նոյեմբերի 1-ի ցերեկը, 4-ին ժամանակ առ ժամանակ սպասվում է անձրև։ Նոյեմբերի 2-3-ը և 5-ին սպասվում է առանց տեղումների եղանակ։