Կարմիր խաչի միջազգային կոմիտեն Վարդենիս համայնքին նվիրաբերել է 18․5 կիլովատտ հզորության մուրճային աղաց

Կարմիր խաչի միջազգային կոմիտեն Վարդենիս համայնքին նվիրաբերել  է 18․5 կիլովատտ հզորության մուրճային աղաց։

Ինչպես «Արմենպրես»-ին տեղեկացրին Վարդենիսի համայնքապետարանի աշխատակազմից, օգոստոսի 10-ին Վարդենիս համայնքի ղեկավար Ահարոն Խաչատրյանն ընդունել է  Հայաստանում Կարմիր խաչի միջազգային կոմիտեի պատվիրակության ներկայացուցիչներին՝ Հաղորդակցման և կանխարգելման ծրագրերի ղեկավար Զառա Ամատունուն, Տնտեսական անվտանգության ծրագրերի ղեկավար Ստեփան Գրիգորյանին և նույն բաժնի ներկայացուցիչ Նարինե Քոչարյանին։

Հանդիպման ընթացքում քննարկվել են  համատեղ իրականացվող ծրագրերն ու հումանիտար աջակցությանն ուղղված քայլերը, որոնք միտված են համայնքի տնտեսական զարգացմանը:

Համագործակցության շրջանակներում ԿԽՄԿ-ն Վարդենիս համայնքին նվիրաբերել է 18.5 կվտ հզորությամբ մուրճային աղաց (DMR Grain Crusher, 18.5kW): Սարքավորումը հնարավորություն է տալու սահմանամերձ բնակավայրերի բնակիչներին՝ ստանալ անհրաժեշտ որակի անասնակեր։

Խոսրով Խլղաթյան