Հայաստանում սպասվում է փոփոխական եղանակ

ԵՐԵՎԱՆ, 19 ՍԵՊՏԵՄԲԵՐԻ, ԱՐՄԵՆՊՐԵՍ: Հայաստանի տարածքում սեպտեմբերի 19-ի ցերեկը և 21-ին սպասվում է առանց տեղումների եղանակ: Սեպտեմբերի 20-ին, 22-ին՝ հիմնականում կեսօրից հետո առանձին շրջաններում, 23-ի ցերեկը, 24-ին՝ շրջանների զգալի մասում սպասվում է անձրև և ամպրոպ:

Ինչպես «Արմենպրես»-ին տեղեկացրին ՀՀ արտակարգ իրավիճակների նախարարությունից, քամին կլինի հարավ-արևմտյան՝ 5-10 մ/վ արագությամբ, ամպրոպի ժամանակ սպասվում է քամու ուժգնացում՝ 15-20 մ/վ արագությամբ:

Օդի ջերմաստիճանը 19-20-ն աստիճանաբար կբարձրանա 2-4 աստիճանով:

Երևան քաղաքում սեպտեմբերի 19-ի ցերեկը, 20-22-ը, 24-ի ցերեկն սպասվում է առանց տեղումների եղանակ, 23-ի ցերեկը և 24-ի գիշերն սպասվում է անձրև և ամպրոպ, ամպրոպի ժամանակ` քամու ուժգնացում մինչև 15-20 մ/վ արագություն: