1 րոպեի ընթերցում
ԵՐԵՎԱՆ, 29 ՀՈՒԼԻՍԻ, ԱՐՄԵՆՊՐԵՍ: Հայաստանի ֆուտբոլի Մ19 տարեկանների թիմն այս օրերին ուսումնամարզական հավաք է անցկացնում ֆուտբոլի ակադեմիայում:
«Արմենպրես»-ի հաղորդմամբ` Մ19 տարեկանների գլխավոր մարզիչ Արթուր Ոսկանյանը ՀՖՖ մամուլի ծառայության հետ խոսել է հավաքի ընթացքի մասին:
«Երկար դադարից հետո առաջին հավաքն ենք անցկացնում: Հավաքը երեք օր կտևի: Օրը երկու մարզում ենք անցկացնում: Ընկերական խաղ էլ կունենանք: Հիմնական կազմի 6 ֆուտբոլիստներ չկան, քանի որ բանակում են: Հավաքին մասնակցում են այն ֆուտբոլիստները, որոնք այս օրերին Հայաստանում են խաղում: Ուրախ ենք, որ կան ֆուտբոլիստներ, որոնք խաղում են բարձրագույն խմբում: Հույս ունեմ, որ կկարողանանք միջազգային խաղ անցկացնել, թեպետ շատ բարդ է»,-ասել է նա:
Մարզական հավաքի վերջին օրը՝ հուլիսի 30-ին, Հայաստանի Մ19 հավաքականը ընկերական խաղում ուժերը կչափի«Նոա» ակումբի հետ։ Հանդիպումը կկայանա ՀՖՖ տեխնիկական կենտրոնում և կմեկնարկի 11։00-ին։
Պատրաստեց Վարվառա Հայրապետյանը