1 րոպեի ընթերցում
ԵՐԵՎԱՆ, 30 ՀՈՒՆԻՍԻ, ԱՐՄԵՆՊՐԵՍ: Կատալոնական «Բարսելոնայի» արգենտինացի հարձակվող Լիոնել Մեսսին իր պրոֆեսիոնալ կարիերայի ընթացքում խփեց 700-րդ գոլը:
«Արմենպրես»-ի հաղորդմամբ` Իսպանիայի ֆուտբոլի առաջնության 33-րդ տուրում «Բարսելոնան» մրցեց «Ատլետիկոյի» հետ: Մեսսին անվրեպ է իրացրել նշանակված 11մետրանոց հարվածը: Հանդիպումն ավարտվել է ոչ-ոքի`2:2 հաշվով:
Մեսսին իր ողջ կարիերայի ընթացքում 630 գնդակ է խփել «Բարսելոնա»-ի կազմում, որտեղ մասնակցել է 724 խաղի, ինչպես նաև 70 գնդակ է հեղինակել Արգենտինայի հավաքականի կազմում անցկացրած 138 խաղում:
Ընթացիկ մրցաշրջանում Մեսսին «Բարսելոնայի» կազմում մասնակցել է 28 խաղի և խփել է 22 գնդակ:
Պատրաստեց Վարվառա Հայրապետյանը