Հայաստանի ֆուտբոլի ընտրանին 102-րդն է ՖԻՖԱ-ի աղյուսակում 

ԵՐԵՎԱՆ, 11 ՀՈՒՆԻՍԻ, ԱՐՄԵՆՊՐԵՍ: Հայաստանի ֆուտբոլի ազգային թիմը պահպանել է դիրքը ՖԻՖԱ-ի դասակարգման աղյուսակում:

«Արմենպրես»-ի հաղորդմամբ` Հայաստանի ընտրանին 102-րդ տեղում է, ինչպես նախորդ ամիս էր: Դասակարգման աղյուսակի տասնյակում են Բելգիան, Ֆրանսիան, Բրազիլիան, Անգլիան, Ուրուգվայը, Խորվաթիան, Պորտուգալիան, Իսպանիան, Արգենտինան և Կոլումբիան:

Վերջին անգամ ՖԻՖԱ-ն դասակարգման աղյուսակը կազմել էր ապրիլին: Կորոնավիրուսի պանդեմիայի պատճառով չեղարկվել կամ էլ հետաձգվել են պաշտոնապան և ընկերական մի շարք հանդիպումներ:

Պատրաստեց Վարվառա Հայրապետյանը