1 րոպեի ընթերցում
ԵՐԵՎԱՆ, 14 ԱՊՐԻԼԻ, ԱՐՄԵՆՊՐԵՍ: Աշխարհի ֆուտբոլի ակումբային առաջնությունը կարող է անցկացվել 2022 թվականին:
«Արմենպրես»-ի հաղորդմամբ` այս մասին գրում է AS-ն: Ըստ մարզական պարբերականի, աշխարհի ակումբային առաջնությունը պլանավորվում է անցկացնել 2022 թվականի հունիսին: Մրցաշարն ի սկզբանե պետք է կայանար 2021 թվականին Չինաստանում, սակայն հետաձգման պատճառն է ֆուտբոլի Եվրոպայի առաջնությունը, որ ևս 2020 թվականից տեղափոխվեց մեկ տարի ուշ` 2021 թվական:
Աշխարհի ֆուտբոլի ակումբային առաջնությունը կանցկացվի նոր ձևաչափով: Մրցաշարին կմասնակցեն 24 թիմեր, իսկ մրցաշարը կկայանա չորս տարին մեկ:
Պատրաստեց Վարվառա Հայրապետյանը