1 րոպեի ընթերցում
ԵՐԵՎԱՆ, 26 ՄԱՐՏԻ, ԱՐՄԵՆՊՐԵՍ: Հայաստանի ֆուտբոլի ազգային հավաքականի և Բուլղարիայի «Արդա» ակումբի ֆուտբոլիստ Ռումյան Հովսեփյանը մարզումներն անցկացնում է տանը:
«Ինչպես գրեթե ամենուր, այնպես էլ Բուլղարիայում ներքին առաջնությունը դադարեցված է մինչև մարտի 29-ը, որոշումը կվերանայվի՝ կապված հնարավոր զարգացումների հետ: Այստեղ վիճակը հանգիստ է, մարդիկ տնից դուրս են գալիս միայն խիստ անհրաժեշտության դեպքում: Ակումբը մեզ տրամադրել է մարզումային անհատական ծրագիր, և առայժմ մարզվում ենք տնային պայմաններում»,-«Արմենպրես»-ի հաղորդմամբ` Հովսեփյանի խոսքը փոխանցում է Հայաստանի ֆուտբոլի ֆեդերացիայի մամուլի ծառայությունը: