1 րոպեի ընթերցում
ԵՐԵՎԱՆ, 4 ՄԱՐՏԻ, ԱՐՄԵՆՊՐԵՍ: Հայաստանի կանանց ֆուտբոլի ընտրանին վերստեղծումից հետո անցկացրեց առաջին ընկերական հանդիպումը:
«Արմենպրես»-ի հաղորմամբ, կանանց թիմն ուժերը չափեց Լիտվայի ընտրանու հետ: Մեկնարկային րոպեներին Հայաստանի կանանց ընտրանին բավականին ակտիվ էր և կարողանում էր սուր գրոհներ կազմակերպել: Իրար հաջորդող գրոհների վերջնամասում հավաքականի անդամների գործողություններում դիպուկություն չկար: Կառուցողական խաղով աչքի էր ընկնում Մարալ Արթինը: Առաջին կեսում այդպես էլ դարպասի գրավում չարձանագրվեց: Երկրորդ խաղակեսում փոքր-ինչ առավելություն ուներ Լիտվայի ընտրանին: Հայաստանի հավաքականն էլ փորձում էր արագ հակագրոհել: Հանդիպման վերջնամասում լիտվուհիներն արագ հակագրոհեցին և օգտագործեցին ստեղծված հնարավորությունը: Գոլի հեղինակ դարձավ Յոնաշայտեն: Ի վերջո, Հայաստանի հավաքականը պարտվեց նվազագույն հաշվով:
Մարտի 6-ին Հայաստանի և Լիտվայի թիմերը ևս մեկ հանդիպում կանցկացնեն: