4 րոպեի ընթերցում
ԵՐԵՎԱՆ, 19 ՍԵՊՏԵՄԲԵՐԻ, ԱՐՄԵՆՊՐԵՍ: Հայաստանում կանցկացվի առաջին անգամ կազմակերպվող N2 համաժողովը: Այն Հայաստան կբերի միջգային մի շարք կազմակերպությունների, որոնք տեղական կազմակերպությունների հետ կքննարկեն կիբեռանվտանգության, ինտերնետի զարգացման, տվյալների պաշտպանության և մի շարք այլ հարցեր:
«Արմենպրես»-ի հաղորդմամբ՝ հրավիրված ասուլիսում այս մասին խոսեցին Բարձր տեխոնոլոգիաների արդյունաբերության փոխնախարար Արմեն Աբրոյանը և մյուս կազմակերպիչները:
«Համաժողովը կազմակերպվել է միջազգային կազմակերպությունների կողմից: Այն ներառում է միջոցառումների շարք, որին մասնակցում են մի շարք կազմակերպություններ: Միջոցառումները նպատակ ունեն ստեղծել առաջատար ոլորտի փորձագետներ, ցանցային օպերատորների ծառայություններ մատուցող կազմակերպություններ, ինտերնետի և ՏՀՏ համայնքի նեկայացուցիչների համար քննարկել ընդհանուր հետաքրքրություններ ունեցող թեմաներ, տեղեկանալ ոլորտի նոր միտումներին, կիսվել փորձառությամբ, գտնել համագործակցության եզրեր»,-ասաց Աբրոյանը:
Համաժողովի կարգախոսն է «Միասին դեպի թվային ապագա»: Նախարարության առաջնահերթություններից է Հայաստանում թվային տնտեսության զարգացումը: Փոխնախարարը դրա համար շատ կարևորեց նմանատիպ նախաձեռնությունները:
Համաժողովի շրջանակում քննարկվող թեմաները կօգնեն իրավիճակի գնահատման, զարգացման ուղիներ փնտրելու համար: Ֆորումին ներկա են գտնվելու տարբեր առաջատար կազմակերպությունների բարձրաստիճան ներկայացուցիչներ և մասնագետներ:
Համաժողովի շրջանակում ներառված է 6 միջոցառում՝ Ցանցային օպերատորների խմբի համաժողովը (ArmNOG), Երիտասարդների Ինտերնետ կառավարման համաժողովը (YIGF), «RIPE NCC» բանկային աշխատաժողովը, Արևելաեվրոպական DNS 4-րդ համաժողովը, «Իրերի Ինտերնետ հատուկ հետաքրքրությունների խմբի» աշխատաժողովը (ISOC IoT SIG Workshop), Հայաստանի Ինտերնետ կառավարման 5-րդ համաժողովը (ArmIGF):
Հայաստանի Ինտերնետ կառավարման 5-րդ համաժողովում կքննարկվեն ինտերնետ կառավարման առնչվող ցանկացած հարցեր:
«Ինտերնետ հանրություն» ՀԿ արտաքին կապերի ղեկավար Լիանա Գալստյանը նշեց, որ օրակարգը ներառում է նաև տվյալների տեղայնացման հարցը: «Շատ կարևոր է՝ որտեղ պահպանել այն տվյալները, որոնք մենք ձևավորում ենք ինտերնետում՝ այն ավելի անվտանգ դարձնելու համար: Այդ բոլոր հարցերը մենք կքննարկենք»,-նշեց նա:
Կքննարկվեն նաև թվային տնտեսության զարգացման, կիբեռանվտանգության, գաղտանգրման և այլ թմաներ:
Ցանցային օպերատորների խմբի համաժողովն անցկացվելու է առաջին անգամ: Այն կհամախմբի տարածաշրջանի ինտերնետի և հեռահաղորդակցության ոլորտում կարևոր դեր ունեցող ընկերությունների ղեկավարների, փորձագետների՝ քննարկելու հիմնական գործառնական խնդիրները և կիսվելու տարածաշրջանում ինտերնետի և հեռահաղորդակցության ոլորտի զարգացման վերաբերյալ գաղափարներով: «Համաժողովում ընդգրկված թեմաները կնպաստեն ՝ հասկանալու թվային տնտեսության արդի մարտահրավերներն ու հնարավորությունները, ինտերնետի դերը, տվյալների պաշտպանության և անվտանգության դերը, նոր հնարավորությունները»,-ընդգծեց Օպերատորների միության տնօրեն Քրիստինե Գյոնջյանը:
Տեղական բոլոր ընկերությունների համար մասնացկությունն ազատ է: N2forum.org կայքում ներկայացված են բոլոր միջոցառումները, որոնց մասնակցելու համար կարելի է գրանցվել: Համաժողովն անցկացվելու է հոկտեմբերի 10-12-ը: