Հայտնի է Մեծ Բրիտանիայի նոր վարչապետի անունը
1 րոպեի ընթերցում
![Հայտնի է Մեծ Բրիտանիայի նոր վարչապետի անունը](http://armenpress.am/resized/480/static/news/b/2019/07/982576.jpg)
ԵՐԵՎԱՆ, 23 ՀՈՒԼԻՍԻ, ԱՐՄԵՆՊՐԵՍ: Բորիս Ջոնսոնը կգլխավորի Մեծ Բրիտանիայի Պահպանողականների կուսակցությունը: Հուլիսի 24-ին Լոնդոնի նախկին քաղաքապետ ու երկրի նախկին արտգործնախարար Ջոնսոնը կդառնա Միացյալ Թագավորության նոր վարչապետը:
Ինչպես հաղորդում է «Արմենպրես»-ը՝ վկայակոչելով բրիտանական լրատվամիջոցները, կառավարության ղեկավարի պոստը լքող Թերեզա Մեյն արդեն շնորհավորել է Ջոնսոնին՝ իշխող կուսակցության ղեկն ստանձնելու կապակցությամբ:
Բորիս Ջոնսոնի օգտին քվեարկել է Պահպանողական կուսակցության 92 հազար 153 շարքային անդամ, իսկ նրա մրցակցի՝ Ջերեմի Հանթի օգտին՝ 45 հազար 656: Ջոնսոնը կառավարության նիստն առաջին անգամ կվարի հուլիսի 25-ին: