Ազգային ժողովը կրկին չընտրեց ՍԴ դատավոր
1 րոպեի ընթերցում
![Ազգային ժողովը կրկին չընտրեց ՍԴ դատավոր](http://armenpress.am/resized/480/static/news/b/2019/05/976578.jpg)
ԵՐԵՎԱՆ, 29 ՄԱՅԻՍԻ, ԱՐՄԵՆՊՐԵՍ: ՀՀ ազգային ժողովը Սահմանադրական դատարանի դատավորի պաշտոնում չհաստատեց Արթուր Վաղարշյանի թեկնածությունը: «Արմենպրես»-ի հաղորդմամբ`փակ ընտրությունը կայացել է մայիսի 29-ին:
Քվեարկությանը 131 պատգամավորից մասնակցել է 88-ը: 88 քվեաթերթիկից անվավեր են ճանաչվել 5-ը: Կողմ է քվեարկել 30-ը, դեմ՝ 53-ը:
Արթուր Վաղարշյանին այդ պաշտում առաջադրել էր ՀՀ նախագահ Արմեն Սարգսյանը:
Դրանից առաջ նախագահն առաջարկել էր Գոռ Հովհաննիսյանի թեկնածությունը: ԱԺ-ն ապրիլի 16-ի փակ քվեարկությամբ Հովհաննիսյանին չէր ընտրել այդ պաշտոնում: