Զինված ուժերի ղեկավար կազմի օպերատիվ հավաքի շրջանակներում դասախոսությամբ է հանդես եկել Սուրեն Պապիկյանը
1 րոպեի ընթերցում
ԵՐԵՎԱՆ, 26 ՄԱՐՏԻ, ԱՐՄԵՆՊՐԵՍ: Հայաստանի Հանրապետության զինված ուժերի ղեկավար կազմի օպերատիվ հավաքի շրջանակում մարտի 26-ին ՊՆ վարչական համալիրում դասախոսությամբ է հանդես եկել ՀՀ տարածքային կառավարման և զարգացման նախարար Սուրեն Պապիկյանը:
Ինչպես «Արմենպրես»-ին հայտնեցին ՀՀ պաշտպանության նախարարության տեղեկատվության և հասարակայնության հետ կապերի վարչությունից, նախարարը հավաքի մասնակիցներին է ներկայացրել տարածքային կառավարման և տեղական ինքնակառավարման զարգացմանն ուղղված քաղաքականության հիմնահարցերը, համայնքների զարգացման ծրագրերը և առկա խնդիրների լուծման ուղղությամբ ձեռնարկվող համակարգային միջոցառումները: