Ֆրանսիայի վարչապետն ընդունել Է կառավարության՝ անկարգությունների կանխման միջոցների անարդյունավետությունը

ԵՐԵՎԱՆ, 18 ՄԱՐՏԻ, ԱՐՄԵՆՊՐԵՍ: Ֆրանսիայի վարչապետ Էդուար Ֆիլիպը նշել Է, որ Փարիզում շաբաթօրյա անկարգությունները կանխելու ուղղությամբ իր կառավարության ձեռնարկած միջոցներն անբավարար են եղել, տեղեկացնում Է «Արմենպրես»-ը:

«Շաբաթ օրվա իրադարձությունների վերլուծությունը վկայում Է, որ ձեռնարկված միջոցները բավարար չԷին բռնություն թույլ չտալու եւ իրավախախտումները կանխելու համար»,- հայտարարել են վարչապետի դիվանատանը: Հայտարարության մեջ նշվում Է, որ վարչապետը մտադիր Է երկուշաբթի հանդիպում ունենալ նախագահ Էմանուել Մակրոնի հետ:

Ինչպես հաղորդվել Է, «դեղին բաճկոնավորների» շարժման տասնութերորդ ակցիան մարտի 16-ին Ֆրանսիայում հավաքել Էր 32,3 հազար մասնակիցների:

Փարիզում ցույցն արագորեն վերաճել Է ոստիկանության հետ կատաղի բախումների, ջարդերի, կողոպուտների ու հրկիզումների: Առավել շատ տուժել են Ելիսեյան դաշտերի բուտիկներն ու ռեստորանները: ԶԼՄ-ները հայտնել են, որ Փարիզում ոստիկանությունը բերման Է ենթարկել 192 մարդու: Ավելի վաղ ոստիկանության Փարիզի պրեֆեկտուրայի տարածած տվյալների համաձայն՝ երկրի մայրաքաղաքում ընդհարումների հետեւանքով վերքեր Է ստացել 60 մարդ՝ իրավակարգի 17 պահապան, մեկ հրշեջ եւ 42 ցուցարար, հաղորդել Է «Ինտերֆաքս»-ը: