Գերմանիայում պայթուցիկի մասին ահազանգի պատճառով գնացքից տարհանվել է 500 ուղևոր
1 րոպեի ընթերցում
![Գերմանիայում պայթուցիկի մասին ահազանգի պատճառով գնացքից տարհանվել է 500 ուղևոր](http://armenpress.am/resized/480/static/news/b/2019/01/962091.jpg)
ԵՐԵՎԱՆ, 25 ՀՈՒՆՎԱՐԻ, ԱՐՄԵՆՊՐԵՍ: Գերմանիայի Դաշնային Հանրապետության իրավապահ մարմինների աշխատակիցները երկրի արևմտյան հատվածում գնացքից տարհանել են գրեթե 500 ուղևորի:
Ինչպես հաղորդում է «Արմենպրես»-ը՝ վկայակոչելով «ՏԱՍՍ»-ը, այս մասին տեղեկացրել է Կոբլենցի ոստիկանությունը:
«ICE74 գնացքի վերաբերյալ ահազանգ ենք ունեցել, որ այն կարող է պայթել: Այնտեղից տարհանել ենք 500 ուղևորի»,- նշել են հաղորդագրությունում:
Ինչպես ընդգծել են իրավապահ մարմինները, Մայնի Ֆրանկֆուրտի Հարավային կայարանի երկու երկաթուղային գիծ փակ է:
Այս պահին քննչական միջոցառումներ են իրականացվում: Դաշնային ոստիկանությունը հորդորում է հանգստություն պահպանել: