Բրիտանիայի կառավարությունը եռօրյա ժամկետում Brexit-ի վերաբերյալ պլան Բ կներկայացնի խորհրդարանում պարտվելու դեպքում

2 րոպեի ընթերցում

ԵՐԵՎԱՆ, 10 ՀՈՒՆՎԱՐԻ, ԱՐՄԵՆՊՐԵՍ: Բրիտանական կառավարությունը համաձայնել Է երեք օրվա ընթացքում ապագա գործողությունների պլան ներկայացնել այն դեպքում, եթե պատգամավորները հունվարի 15-ին նշանակված քվեարկության ընթացքում մերժեն Brexit-ի պայմանների շուրջ գործարքի նախագիծը: Այդ մասին, ինչպես տեղեկացնում Է «Արմենպրես»-ը, հունվարի 10-ին հայտարարել Է Համայնքների պալատի ղեկավար Անդրեյ Լիդսոմը:

«Իհարկե, կառավարությունն այդպես կանի, վարչապետը ցուցադրել Է իր պատրաստակամությունը՝ առաջին իսկ հնարավորության դեպքում վերադառնալ այս պալատ հենց որ հայտնելու բան ունենա Brexit-ի շուրջ մեր գործարքի պայմանների վերաբերյալ, եւ նա կշարունակի առաջնորդվել դրանով»,-ասել Է Լիդսոմը՝ պատասխանելով այն հարցին, թե կառավարությունը կհամաձայնի արդյոք պատգամավորների՝ նախօրյակին արտահայտված ցանկությանը:

Հունվարի 9-ին ժողովրդի ընտրյալները 308 ձայնով՝ ընդեմ 297-ի, հանդես են եկել հօգուտ այն բանի, որ այլընտրական գործողությունների ծրագիրը ներկայացվի եռօրյա ժամկետում, այլ ոչ թե երեք շաբաթվա ընթացքում, ինչպես Թերեզա Մեյի կառավարությունը մտադրվել Էր անել սկզբնապես: Մինչ այդ ընդդիմադիր Լեյբորիստական կուսակցության առաջնորդ Ջերեմի Քորբինը հունվարի 10-ին վերստին կոչ Է արել արտահերթ համընդհանուր ընտրություններ նշանակել, եթե կառավարությունը չկարողանա խորհրդարանից հասենել Brexit-ի շուրջ գործարքի ընդունման: Ընդսմին նա ընդգծել Է, որ այդ տարբերակը պետք Է ավելի նախընտրելի լինի, քան ԵՄ-ի հետ հարաբերությունների շուրջ կրկնական հանրաքվեի անցկացումը:

Միաժամանակ, ինչպես հայտնել Է Reuters գործակալությունը, Թերեզա Մեյի ներկայացուցիչը հունվարի 10-ին տեղեկացրել Է, որ վարչապետը մտադիր Է Brexit-ի շուրջ գործարքի պայմանների վերաբերյալ Եվրամիության կողմից լրացուցիչ երաշխիքներ ստանալ, նախքան այն պատգամավորներին կներկայացվի հունվարի 15-ին: Ներկայում Համայնքների պալատում ընթանում են բանավեճեր՝ նվիրված առաջիկա քվեարկությանը: Դրանք սկսվել են հունվարի 9-ին, հաղորդել Է ՏԱՍՍ-ը:

Հայերեն Français Русский

Երևանը կընդունի բասկետբոլի Մ16 տարեկանների ԵԱ-ն

ՀՖՖ նախագահի թեկնածուները երկուսն են

«ՀՀ վարչապետի գավաթ» մրցաշարի նպատակներից է առողջ և ազնիվ մրցակցությունը երեխաների շրջանում խթանելը. Փաշինյան

«Հայաստանի AI հնարավորությունը. գաղափարից՝ գործողություն» խորագրով քննարկում

Տելեկոմից մինչև ֆինտեխ, էներգետիկա, լոգիստիկա և ավելին. Team Group-ը Digitec-ում թվային նոր լուծումներ ու հարթակներ է ներկայացնում

Երևանի լողի թիմերը հաղթեցին «ՀՀ վարչապետի գավաթ» դպրոցականների մրցաշարում

Նախարարը հաջողություն է մաղթել դպրոցականների լողի մրցաշարի եզրափակիչ փուլի մասնակիցներին

Հայկ Մարտիրոսյանը «Total Chess World Championship Tour Pilot 2026»-ում զբաղեցրել է 9-րդ հորիզոնականը

ԱրարատԲանկը տեղաբաշխելու է «Ֆարմ Կրեդիտ Արմենիայի»՝ Հայաստանում առաջին սոցիալական պարտատոմսերը

Աբովյան համայնքին է վերադարձվել Հատիս փողոցում գտնվող հողամասը. Գլխավոր դատախազություն