ԵՐԵՎԱՆ, 8 ՀՈՒՆՎԱՐԻ, ԱՐՄԵՆՊՐԵՍ: Թուրքիան դեկտեմբերին վերսկսել Է իրանական նավթի գնումները նոյեմբերի դադարից հետո: Այդ մասին, ինչպես տեղեկացնում Է «Արմենպրես»-ը, հայտնել Է Reuters գործակալությունը՝ վկայակոչելով առեւտրական աղբյուրներ:
«Թուրքիա իրանական նավթի ներմուծումը նոյեմբերին հավասար Էր զրոյի: Բայց դեկտեմբերին Թուրքիան իրանական նավթի մատակարարումներն ստացել Է երկու լցանավից, որոնց ծավալը հավասար Էր օրական 54 հազար բարելի»,-հայտնել Է գործակալությունը:
Գործակալությունը, վկայակոչելով աղբյուրներ եւ Refinitiv Eikon-ի տվյալները, հավելում Է, որ հունվարին Թուրքիան նույնպես մտադիր Է իրանական նավթ ստանալ Sinopa լցանավից: ԱՄՆ-ի նախագահ Դոնալդ Թրամփը մայիսին հայտարարել Է, որ Վաշինգտոնը դուրս Է գալիս Իրանի հետ միջուկային ծրագրի վերաբերալ համաձայնագրից: Նա նաեւ հայտնել Է այս երկրի դեմ բոլոր պատժամիջոցները վերականգնելու մասին, այդ թվում՝ երկրորդային, այսինքն՝ մյուս այն երկրների նկատմամբ, որոնք բիզնես են վարում Իրանի հետ:
ԱՄՆ-ն օգոստոսի 7-ին վերստին գործարկել Է Իրանի նկատմամբ պատժամիջոցների մի մասը: Վաշինգտոնը հայտարարել Է իրանական նավթի արտահանումը զրոյի հասցնելու նպատակի մասին եւ դրա գնորդներին կոչ Է արել հրաժարվել նման գնումներից: Իրանի նկատմամբ ԱՄՆ-ի լրացուցիչ պատժամիջոցները, որոնք ներառել են նավթի արտահանումը, ուժի մեջ են մտել նոյեմբերի 5-ին:
Ընդ որում՝ Վաշինգտոնը նավթային պատժամիջոցներից ժամանակավոր բացառություններ Է տրամադրել Չինաստանին, Հնդկաստանին, Իտալիային, Հունաստանին, Ճապոնիային, Հարավային Կորեային, Թայվանին եւ Թուրքիային: Թուրքիային տրամադրված բացառության շրջանակներում երկիրը կարող Է տարեկան ներմուծել 3 մլն տոննա կամ օրական 60 հազար բարել նավթ: Դրա հետ մեկտեղ մինչեւ Վաշինգտոնի կողմից պատժամիջոցների վերականգնման մասին հայտարարելը Թուրքիան օրական գնում Էր շուրջ 200 հազար բարել իրանական նավթ, հաղորդել Է ՌԻԱ Նովոստին: