Հայկ Մարությանը վստահեցրեց, որ ապօրինի շինությունները մեկ առ մեկ դիտարկվելու են

2 րոպեի ընթերցում

ԵՐԵՎԱՆ, 13 ՆՈՅԵՄԲԵՐԻ, ԱՐՄԵՆՊՐԵՍ: Երևանում կան շատ ապօրինի շինություններ, որոնք քանդման ենթակա են:

«Արմենպրես»-ի հաղորդմամբ՝ այս մասին լրագրողների հետ ճեպազրույցում ասաց Երևանի քաղաքապետ Հայկ Մարությանը՝ վստահեցնելով, որ նման գործողությունները շարունակական բնույթ են կրելու: «Քանդման աշխատանքներ իրականացվում են միայն համայնքին պատկանող հողի վրա: Ես արդեն զգուշացրել էի, որ ապօրինի շինարարություն չի լինելու, բայց մարդիկ կարծես թե լուրջ չեն վերաբերվում դրան: Մենք այս գիծը պահելու ենք, ես այստեղ եմ, որ մեր համայնքի շահերը պաշտպանեմ»,-ասաց նա:

Հայկ Մարությանի խոսքով՝ գործընթացն անընդհատ տեղի է ունենում և ապօրինի շինությունների հետ տեղի է ունենալու նույն բանը, ինչ Նոր Նորքի շինության դեպքում: «Եթե ձեր շինարարությունը համապատասխանում է նորմերին, մենք ամեն ինչով կանգնելու ենք ձեր կողքին, ամեն ինչ անելու ենք օրինական շինարարությունը շատացնելու ուղղությամբ, իսկ այն շինությունները, որոնք արդեն կատարվել են, մեկ առ մեկ դիտարկվելու են, դա շատ կարևոր է»,-նշեց Մարությանը:

Երևանի քաղաքապետի որոշմամբ՝ Նոր Նորքի Գյուրջյան 1/3 հասցեում կառուցվող ապօրինի շինության մի մասը քանդվել է: Ընդհանուր շինության ապամոնտաժումը հետաձգվում է, որովհետեւ կառույցի սեփականատերը դատարանում վիճարկել է քանդման մասին քաղաքապետ Հայկ Մարությանի՝ հոկտեմբերի 29-ին կայացրած որոշումը, իսկ դատարանը բավական օպերատիվ կերպով գործը վարույթ է ընդունել: Դատական գործընթացի առկայությունը ստիպում է քաղաքապետարանին՝ սպասել վճռին: Այնուհանդերձ, կառույցը առերեւույթ ապօրինի է՝ շինթույլտվություն չկա, իսկ շինարարությունը կատարվում է քաղաքաշինական մի շարք նորմերի խախտմամբ:

Հայերեն

Արարատ Միրզոյանը կարևորել է գործընկերների հետ համագործակցությունը հիբրիդային սպառնալիքներին դիմակայելու հարցում

38 երկրի միջուկային անվտանգության կարգավորիչները զգուշացրել են Ուկրաինայում միջուկային վթարի աճող վտանգի մասին

Բուլղարիայում ԱՄՆ դեսպանատունը Եվրոպայում գտնվող ամերիկացիներին զգոնության կոչ է արել տոներին ընդառաջ

ՌԴ-ում պահնորդները պատահմամբ կանչել են Ռոսգվարդիային և հայտնվել ոստիկանությունում․ նրանց մոտ թմրանյութ է հայտնաբերվել

Դավիթ Թադևոսյանը MITRE-ում քննարկել է Հայաստանի պաշտպանական նորարարությունների զարգացման հնարավորությունները

Հունգարիան դիտարկվում է հայկական բիզնեսների համար Եվրոպա տանող դարպաս․ «Հայ-հունգարական գործարար խորհուրդ»-ը սկսեց աշխատանքները

Տարածաշրջանային հաղորդակցությունների վերագործարկումը կարող է տնտեսական օգուտներ ապահովել բոլոր երկրների համար․ Միրզոյան

Թրամփի գնահատմամբ՝ Պուտինը փոքր-ինչ մեղմացնում է դիրքորոշումն Ուկրաինայի հարցում

Դավիթ Խուդաթյանն աշխատանքային այցով Իրանում է

Մահացել է մեքսիկական «Գվադալահարա» թմրակարտելի հիմնադիր Ֆելիքս Գալյարդոն